فتافيت السكر

السلام عليكم ورحمة الله وبركاته
عزيزتي الزائرة يتوجب عليك التسجيل للمشاركة في احلي منتدي لو كنتي مشتركة بالفعل فعليك تسجيل الدخول تشرفنا بزيارتك الكريمة
مديرة منتدي فتافيت السكر yasmin elgazawy



 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» طريقة عمل الكسكسي
الخميس أغسطس 12, 2010 5:16 pm من طرف Admin

» تشكيلة بيجامات رائعة للبنات
الثلاثاء أغسطس 10, 2010 9:14 am من طرف Admin

» جلابيات للبيت
الثلاثاء أغسطس 10, 2010 9:03 am من طرف Admin

» كولكشن لانجيري رائع
الثلاثاء أغسطس 10, 2010 8:38 am من طرف Admin

» ارواب للاستحمام
الثلاثاء أغسطس 10, 2010 8:30 am من طرف Admin

» مجوعة اسدال للصلاة
الثلاثاء أغسطس 10, 2010 8:19 am من طرف Admin

» ازياء للحوامل
الثلاثاء أغسطس 10, 2010 8:05 am من طرف Admin

» اشكال جديده فى فيكتوريا سكريت تنفع للمحجبات وافكارها جديده
الثلاثاء أغسطس 10, 2010 5:21 am من طرف Admin

» تشكيلة ملابس للمحجبات
الثلاثاء أغسطس 10, 2010 5:13 am من طرف Admin

يونيو 2018
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 
اليوميةاليومية

شاطر | 
 

 نصائح عن كيفية شراء العطور

اذهب الى الأسفل 
كاتب الموضوعرسالة
Admin
Admin
avatar

المساهمات : 111
تاريخ التسجيل : 30/06/2010

مُساهمةموضوع: نصائح عن كيفية شراء العطور    الخميس يوليو 22, 2010 5:36 pm

العطور أنواع كتير

أول حاجة لازم نعرفها إن العطور أنواع كتير قوي فيه منها "العطور الخفيفة"، وفي "العطور المركزة"... وده هنقدر نعرفه بإننا لما نشتري أي زجاجة برفان نقلبها على ظهرها ونشوف مكتوب عليها إيه؟!

فلو كان مكتوب عليها "Perfume" فده يعني إن زجاجة البرفان دي فيها عطر مركز جدا وإن رائحته هتدوم أكثر من 12 ساعة تقريبا ومعنى كده إننا ناخد بالنا وأحنا بنحطه لأن رشة واحدة منه هتملى الدنيا.

أما بقى لو كان مكتوب عليه "Eau de perfume" فده معناه إن البرفان ده مش مركز قوي وهيدوم لمدة 8 ساعات..

لكن لو كان مكتوب عليه "Eau de toilette" فده معناه إنه برفان خفيف ورائحته هتدوم لمدة 4 ساعات.

أما لو كان مكتوب عليه "Eau de cologne" فده معناه أنه برفان خفيف ومش بيدوم أكتر من ساعتين وده بيكون مناسب جدا للناس اللي مش بتحب البرفانات اللي ليها رائحة قوية.

إزاي تشتري البرفان



فيه حاجات كتير قوي لازم ناخد بالنا منها وأحنا بنشتري البرفان وهي..

وقت الشراء

أنسب وقت ممكن أننا نروح نشتري فيه البرفان هو بالليل وبلاش نروح نشتري بالنهار.. وده لأن حاسة الشم بتبلغ قوتها عند الإنسان بالليل أكتر من النهار وبالتالي هنقدر أننا نحكم على رائحة البرفان كويس.


نشم على مسافة 5 سم

لو رايحين المحل ومفيش في دماغنا نوع معين من البرفان ناويين إننا نشتريه يبقى مفيش أي مشكلة من إننا نطلب من البائع إنه يسمح لنا أننا نشم البرفان الأول قبل ما نشتريته.. وده عن طريق أنه يرش البرفان على الأوراق المخصصة لتجربته أو على غطاء الزجاجة ويكون بينا وبين الأوارق دي أو الغطاء ده مسافة حوالي 5 سم علشان نقدر نحكم على رائحة البرفان كويس.


بلاش رش البرفان على الملابس

في غلطة كتير منا بيقع فيها وهي إنه بيرش البرفان على ملابسه علشان يجربه ودي حاجة مش صح بالمرة لأن بكده مش بيقدر إنه يشم رائحة البرفان كويس كمان رش أكتر من نوع من أنواع البرفان بيخلي من الصعب تحديد أي نوع إحنا عايزين.


وكمان بلاش رش البرفان على إيدينا

من الحاجات الغلط اللي بنعملها واحنا بنشتري البرفان أننا بنرش البرفان علي إيدينا علشان نشم رائحته ودي حاجة غلط لأننا ممكن يكون عندنا حساسية تظهر مع رش أكتر من نوع برفان على جسمنا.


بين كل نوعين خد راحة 5 دقائق

ياريت وأحنا في المحل ما نحاولش نجرب أنواع كتيرة من البرفانات وده علشان نقدر نحكم كويس على البرفان..

ولو كنا محتارين وهنجرب أكتر من نوع من أنواع العطور يبقى ممكن أننا بعد كل نوعين نخرج من المحل لمدة 5 دقائق ونرجع تاني وده علشان نقدر إننا نحكم كويس على الرائحة الجديدة..

وفي حاجة حلوة قوي أنا باعملها لما أكون رايح أشتري برفان وهي أني باخد معايا "كيس بن" أو "حبوب بن" ودي علشان أشمها بعد كل نوع برفان أشمه وده طبعا علشان أقدر إني افصل بين كل نوع والتاني من البرفانات اللي أنا بشمها وده لأن القهوة والبن ليهم ريحة نافذة هتغطي علي ريحة البرفان.


إزاي نحط البرفان

أفضل وقت لوضع البرفان هو بعد الاستحمام مباشرة، وده لأن الجلد في الوقت ده بيكون نظيف والمسام مستعدة لاستقبال المادة العطرية وياريت ما نحطش مزيل العرق في الأماكن اللي هنحط فيها البرفان..

أحسن طريقة لوضع البرفان هي أننا نبدء بوضع البرفان من الأسفل إلى أعلى، لأن الرائحة العطرية تصعد إلى الأعلى.

عايز كمان أقول لكم على حاجة إني ما بافضلش أننا يكون عندنا أنواع كتيرة من البرفانات كفاية قوي ثلاث أنواع من البرفان بس تكون من الأنواع الكويسة المعروفة لأن الأنواع غير المعروفة ممكن أنها تسبب لبعض الناس حساسية في الجلد أو حساسية في الجيوب الأنفية.

كمان أنا بافضل إننا نجدد في استخدامنا لريحة البرفان وبلاش نثبت على ريحة ثابتة مميزة.



إزاي نخلي ريحة البرفان تثبت؟!

لو عندنا برفان وكل ما نحط منه نلاقي إن ريحته بطير على طول ومش بتثبت فده ليه حل حلو قوي وهو أننا نقفل زجاجة البرفان كويس قوي ونحطها في الفريزر لمدة أسبوع وبعد كده نطلعها ونحطها لمدة أسبوع كمان في مكان مظلم وليكن مثلا في الدولاب بين الملابس وبعد كده نطلعها ونستخدمها هنلاقي إن ريحتها بقت بدوم أكتر من الأول بكتير..


إزاي نحتفظ بالبرفان لأطول وقت ممكن؟!

لو كنتي عروسة وبتجهزي وعايزة تجيبي برفان وتشيليه لغاية ما تتجوزي يبقى اشتريه وشيليه زي ما هو كده في علبته الكرتون في مكان مظلم وليكن مثلا بين ملابسك وبلاش تطلعيه نهائي لأن العطور بتفسد من الضوء والهواء...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jess.rigala.net
 
نصائح عن كيفية شراء العطور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فتافيت السكر :: ركن الجمال :: العطور-
انتقل الى: